Bases Concurso Curtametraxes Panic 2020

 

BASES DE PARTICIPACIÓN NO CONCURSO DE CURTAMETRAXES “PANIC”

 

1.- O Concurso de curtametraxes PANIC A ESTRADA é unha iniciativa impulsada polo Departamento de Cultura do Concello da Estrada (Pontevedra) dentro das actividades programadas para o Festival de cine de Terror PANIC.

2.- Poderá participar calquera persoa física, asociación ou grupo sen restrición de idade.

3.- As obras de ficción presentadas deberán ter temática de terror ou misterio.

4.- As obras presentadas poderán alcanzar unha duración máxima de 15 minutos, incluídos os títulos do inicio e créditos finais. Calquera obra que exceda esa duración quedará excluída do concurso.

5.- As curtametraxes presentadas deberán estar realizadas en idioma galego.

6.- Os traballos deberán presentarse a través da plataforma MOVIBETA ou serán enviados por correo ao Departamento de Cultura do Concello da Estrada en calquera formato dixital.

7.- A data límite de presentación de curtametraxes para esta edición do concurso será o 31 de xaneiro de 2020. Os traballos presentados deberán ter rematado a súa produción despois do 1 de xaneiro de 2019. Calquera traballo anterior a esa data será descartado no proceso de selección.

8.- O Departamento de Cultura do Concello da Estrada nomeará un xurado composto por tres persoas con experiencia no contexto audiovisual que serán as encargadas de avaliar os traballos, seleccionar os tres finalistas e premiar a curta gañadora. O premio será entregado nunha gala final que se celebrará o 7 de febreiro ás 23.30 h en Minicines Central e na que se visualizarán os traballos finalistas en pantalla grande.

9- A curtametraxe gañadora recibirá un premio único de 300,00 € e un diploma acreditativo.

10.-Será requisito indispensable para recibir o premio, a presenza, directa ou interposta, dalgún representante do equipo artístico responsable da curtametraxe.

11.- A selección dos tres (3) finalistas notificarase por correo electrónico a todos os participantes (tanto seleccionados como non). Esta información publicarase na web do Festival www.panic.aestrada.com

12.-Os concursantes responsabilizaranse de que non existan dereitos a terceiros polo uso das pezas musicais nas obras presentadas e responsabilízanse tamén dos dereitos de imaxe das persoas que aparezan nelas, eximindo á organización de calquera tipo de responsabilidade neste sentido. No caso de que se utilice unha pista de audio con material propiedade dunha compañía discográfica sen o seu permiso, non se aceptará a película a concurso.

13.- As curtametraxes presentadas pasarán a formar parte da videoteca do festival e serán publicados na súa web: www.panic.aestrada.com

14.-A inscrición no concurso implica a aceptación destas bases na súa totalidade.

 

Bases Concurso Fotografía Panic 2020

BASES PARA O CONCURSO DE FOTOGRAFÍA PANIC 2020

NORMAS

 

  • O Concurso de Fotografía PANIC é unha iniciativa impulsada pola Concellería de Cultura do Concello da Estrada (Pontevedra) dentro das actividades programadas para o Festival de cine de Terror PANIC A ESTRADA.

     

  • As fotografías presentadas deberán ser exclusivamente do xénero de terror ou misterio. As fotografías que o xurado considere que non pertencen ás ditas temáticas non serán admitidas a concurso.

     

  • Cada participante poderá participar cun máximo de tres (3) fotografías.

     

  • As fotografías deberán ter sido realizadas con posterioridade ao 1 de xaneiro de 2019.

     

  • Os/as fotógrafos/as participantes que utilicen nas súas obras a outras persoas como modelos, deberán ter a disposición do xurado as autorizacións de imaxe para a súa exhibición e reprodución no ámbito do concurso. A organización do concurso PANIC declina calquera responsabilidade con respecto a dereitos de imaxe correspondentes ás fotografías presentadas, a dita responsabilidade recae exclusivamente na persoa que se presenta no concurso como autor da obra.

 

  • As obras presentadas non poderán estar suxeitas a fotomontaxes.

  • O criterio do xurado valorará máis a creatividade e orixinalidade da fotografía presentada que a súa calidade técnica.

PARTICIPANTES

  • O concurso de Fotografía de Terror PANIC está dividido en dúas modalidades. Unha primeira dirixida aos alumnos dos IES da Estrada e comarca; e outra dirixida a persoas maiores de 18 anos.

DEREITOS DE AUTOR

  • A propiedade intelectual das obras presentadas será sempre do propio autor.

  • A organización resérvase o dereito de distribución e publicación das imaxes na web do Festival www.panic.aestrada.com, ou nun medio físico a efectos de promoción o exposición. En todo caso, sempre se fará referencia ao título e nome do autor da fotografía.

     

  • O participante responsabilizarase de posuír a propiedade intelectual das obras presentadas. Calquera reclamación formulada sobre a fotografía a concurso recaerá na persoa que se presente como autor desta.

INSCRICIÓN

  • As fotografías enviaranse en formato .JPG ao enderezo de correo electrónico da organización. Este enderezo de correo está a ser protexido dos robots de correo lixo. Precisa activar o JavaScript para velo. A dita organización farallas chegar aos membros do xurado.

     

  • As fotografías non deberán presentar título nin marca de auga que poida identificar ao autor.

  • Calquera fotografía que o xurado considere que non cumpre as normas destas bases quedará descartada.

  • O prazo de inscrición e presentación de fotografías finalizará o 31 de xaneiro de 2020.

  • As fotografías finalistas serán visionadas en pantalla grande durante a Gala final que terá lugar o 7 de febreiro ás 23.30 h en Minicines Central, gala na que se lle entregará o premio á fotografía gañadora en cada modalidade.

     

  • O premio para a categoría dos IES terá unha contía de 150,00 en vales de compra, doada por ACOE. O premio para a categoría de maiores de 18 anos será dun importe de 150,00€, entregándose, en ambos os dous casos, un diploma acreditativo.

XURADO

PANIC 2020. Os Concursos

 

O Festival de cine de terror PANIC convoca os seus concursos de curtas e fotos de terror

 

Con motivo do inicio do Festival de cine de terror Panic o próximo 17 de xaneiro, o Concello da Estrada convoca os concursos de curtametraxes e fotografía de terror Panic cun prazo de entrega de orixinais que finalizará o 31 de xaneiro.

O concurso de curtametraxes, que contará cun premio de 300,00€, esixe que os traballos teñan unha duración inferior aos 15 min de duración, unha temática baseada no terror ou no misterio e que estean realizados en lingua galega.

Pola súa banda, o concurso de fotografía conta con dúas modalidades. A primeira dirixida ao alumnado dos IES e unha segunda aberta a todo o público. Os premios destinados a ambas as dúas modalidades é de 150,00€ e pode participar cada concursante cun máximo de tres fotografías. Tamén deberán estar tematizadas no ámbito do terror e do misterio.

Todos os interesados en participar nalgún dos dous certames poderán consultar as bases dos concursos nas web www.panic.aestrada.com e www.aestrada.org que estarán dispoñibles a partir do mércores 11 de decembro.

As fotografías e curtas finalistas serán visionadas en pantalla grande durante a Gala final do festival que terá lugar o 7 de febreiro ás 23.30 h en Minicines Central, gala na que se lle entregará o premio á curta e ás fotografías gañadoras de cada modalidade.

Nos primeiros días do mes de xaneiro presentarase a programación completa da nova edición do festival.

 

A Estrada, 10 de decembro de 2019

Broken Peach_Bad & Ghostbusters

Os nosos amigos de "Broken Peach" enviáronos un enlace o seu novo videoclip.

Ainda lembramos os bos momentos que vivimos xunto a eles na edición del PANIC 2018.